ਚੰਡੀਗੜ੍ਹ ਤੋਂ ਹਰਿਦੁਆਰ ਜਾਣ ਵਾਲਿਆਂ ਲਈ ਖ਼ੁਸ਼ਖ਼ਬਰੀ, 23 ਅਕਤੂਬਰ ਤੋਂ ਸ਼ੁਰੂ ਹੋਵੇਗੀ ਐਚਵੀਏਸੀ ਬੱਸ ਸੇਵਾ

ਹਰਿਆਣਾ ਦੇ ਯਾਤਰੀਆਂ ਲਈ ਰਾਹਤ ਭਰੀ ਖ਼ਬਰ ਹੈ। ਚੰਡੀਗੜ੍ਹ ਅਤੇ ਹਰਿਦੁਆਰ ਵਿਚਾਲੇ 23 ਅਕਤੂਬਰ 2026 ਤੋਂ ਐਚਵੀਏਸੀ (ਹੀਟਿੰਗ, ਵੈਂਟੀਲੇਸ਼ਨ ਅਤੇ ਏਅਰ ਕੰਡੀਸ਼ਨਿੰਗ) ਬੱਸ ਸੇਵਾ ਸ਼ੁਰੂ ਕਰਨ ਦਾ ਐਲਾਨ ਕੀਤਾ ਗਿਆ ਹੈ। ਇਸ ਸੇਵਾ ਨਾਲ ਚੰਡੀਗੜ੍ਹ, ਅੰਬਾਲਾ, ਯਮੁਨਾਨਗਰ, ਸਹਾਰਨਪੁਰ, ਰੁੜਕੀ ਅਤੇ ਹਰਿਦੁਆਰ ਵਿਚਾਲੇ ਸਫ਼ਰ ਕਰਨ ਵਾਲੇ ਯਾਤਰੀਆਂ ਨੂੰ ਆਵਾਜਾਈ ਦਾ ਇੱਕ ਹੋਰ ਸੁਵਿਧਾਜਨਕ ਵਿਕਲਪ ਮਿਲੇਗਾ।
ਹਰਿਆਣਾ ਦੇ ਟਰਾਂਸਪੋਰਟ ਮੰਤਰੀ ਅਨਿਲ ਵਿਜ ਨੇ ਕਿਹਾ ਕਿ ਸੂਬਾ ਸਰਕਾਰ ਯਾਤਰੀਆਂ ਨੂੰ ਸੁਖਾਲੀਆਂ, ਸੁਰੱਖਿਅਤ ਅਤੇ ਆਰਾਮਦਾਇਕ ਆਵਾਜਾਈ ਸੇਵਾਵਾਂ ਮੁਹੱਈਆ ਕਰਵਾਉਣ ਲਈ ਲਗਾਤਾਰ ਯਤਨ ਕਰ ਰਹੀ ਹੈ।
ਚੰਡੀਗੜ੍ਹ ਤੋਂ ਸਵੇਰੇ 9:08 ਵਜੇ ਰਵਾਨਾ ਹੋਵੇਗੀ ਬੱਸ
ਟਰਾਂਸਪੋਰਟ ਵਿਭਾਗ ਵੱਲੋਂ ਜਾਰੀ ਸਮਾਂ-ਸਾਰਣੀ ਅਨੁਸਾਰ ਚੰਡੀਗੜ੍ਹ ਤੋਂ ਹਰਿਦੁਆਰ ਜਾਣ ਵਾਲੀ ਐਚਵੀਏਸੀ ਬੱਸ ਸਵੇਰੇ 9:08 ਵਜੇ ਰਵਾਨਾ ਹੋਵੇਗੀ। ਵੱਖ-ਵੱਖ ਸ਼ਹਿਰਾਂ ਤੋਂ ਬੱਸ ਦੇ ਰਵਾਨਾ ਹੋਣ ਦਾ ਸਮਾਂ ਇਸ ਤਰ੍ਹਾਂ ਹੈ:
ਚੰਡੀਗੜ੍ਹ: ਸਵੇਰੇ 9:08 ਵਜੇ
ਅੰਬਾਲਾ: ਸਵੇਰੇ 10:40 ਵਜੇ
ਯਮੁਨਾਨਗਰ: ਦੁਪਹਿਰ 12:00 ਵਜੇ
ਸਹਾਰਨਪੁਰ: ਦੁਪਹਿਰ 12:50 ਵਜੇ
ਰੁੜਕੀ: ਦੁਪਹਿਰ 1:55 ਵਜੇ
ਹਰਿਦੁਆਰ ਪਹੁੰਚਣ ਦਾ ਸਮਾਂ: ਦੁਪਹਿਰ 2:40 ਵਜੇ
ਇਸ ਨਿਰਧਾਰਤ ਸਮਾਂ-ਸਾਰਣੀ ਨਾਲ ਯਾਤਰੀਆਂ ਨੂੰ ਆਪਣੀ ਯਾਤਰਾ ਦੀ ਯੋਜਨਾ ਬਣਾਉਣ ਵਿੱਚ ਸਹੂਲਤ ਮਿਲੇਗੀ।
ਹਰਿਦੁਆਰ ਤੋਂ ਦੁਪਹਿਰ 3:50 ਵਜੇ ਚੱਲੇਗੀ ਵਾਪਸੀ ਬੱਸ
ਹਰਿਦੁਆਰ ਤੋਂ ਚੰਡੀਗੜ੍ਹ ਵਾਪਸ ਜਾਣ ਵਾਲੀ ਬੱਸ ਦੁਪਹਿਰ 3:50 ਵਜੇ ਰਵਾਨਾ ਹੋਵੇਗੀ। ਵਾਪਸੀ ਦੀ ਸਮਾਂ-ਸਾਰਣੀ ਮੁਤਾਬਕ:
ਹਰਿਦੁਆਰ: ਦੁਪਹਿਰ 3:50 ਵਜੇ
ਰੁੜਕੀ: ਸ਼ਾਮ 4:40 ਵਜੇ
ਸਹਾਰਨਪੁਰ: ਸ਼ਾਮ 5:50 ਵਜੇ
ਯਮੁਨਾਨਗਰ: ਸ਼ਾਮ 6:40 ਵਜੇ
ਅੰਬਾਲਾ ਕੈਂਟ: ਸ਼ਾਮ 7:50 ਵਜੇ
ਚੰਡੀਗੜ੍ਹ ਬੱਸ ਸਟੈਂਡ ਪਹੁੰਚਣ ਦਾ ਸਮਾਂ: ਰਾਤ 9:00 ਵਜੇ
ਯਾਤਰੀਆਂ ਨੂੰ ਸਲਾਹ ਦਿੱਤੀ ਗਈ ਹੈ ਕਿ ਉਹ ਬੱਸ ਦੇ ਨਿਰਧਾਰਤ ਸਮੇਂ ਨੂੰ ਧਿਆਨ ਵਿੱਚ ਰੱਖਦਿਆਂ ਆਪਣਾ ਸਫ਼ਰ ਤੈਅ ਕਰਨ।
ਸ਼ਹਿਰਾਂ ਵਿਚਾਲੇ ਸੰਪਰਕ ਮਜ਼ਬੂਤ ਕਰਨ ’ਤੇ ਜ਼ੋਰ
ਟਰਾਂਸਪੋਰਟ ਮੰਤਰੀ ਅਨਿਲ ਵਿਜ ਨੇ ਕਿਹਾ ਕਿ ਬਿਹਤਰ ਜਨਤਕ ਆਵਾਜਾਈ ਪ੍ਰਣਾਲੀ ਨਾ ਸਿਰਫ਼ ਯਾਤਰੀਆਂ ਨੂੰ ਆਰਾਮਦਾਇਕ ਸਫ਼ਰ ਮੁਹੱਈਆ ਕਰਵਾਉਂਦੀ ਹੈ, ਸਗੋਂ ਵੱਖ-ਵੱਖ ਸ਼ਹਿਰਾਂ ਵਿਚਾਲੇ ਸੰਪਰਕ ਨੂੰ ਵੀ ਮਜ਼ਬੂਤ ਕਰਦੀ ਹੈ। ਸਰਕਾਰ ਦਾ ਉਦੇਸ਼ ਲੋਕਾਂ ਦੀਆਂ ਲੋੜਾਂ ਅਨੁਸਾਰ ਬਿਹਤਰ ਬੱਸ ਸੇਵਾਵਾਂ ਦੇਣਾ ਅਤੇ ਆਵਾਜਾਈ ਦੌਰਾਨ ਹੋਣ ਵਾਲੀਆਂ ਬੇਲੋੜੀਆਂ ਮੁਸ਼ਕਲਾਂ ਨੂੰ ਘਟਾਉਣਾ ਹੈ।
ਉਨ੍ਹਾਂ ਕਿਹਾ ਕਿ ਹਰਿਆਣਾ ਟਰਾਂਸਪੋਰਟ ਵਿਭਾਗ ਸੁਰੱਖਿਅਤ, ਸੁਵਿਧਾਜਨਕ ਅਤੇ ਵਿਵਸਥਿਤ ਆਵਾਜਾਈ ਸੇਵਾਵਾਂ ਦੇਣ ਲਈ ਵਚਨਬੱਧ ਹੈ। ਚੰਡੀਗੜ੍ਹ-ਹਰਿਦੁਆਰ ਰੂਟ ’ਤੇ ਸ਼ੁਰੂ ਕੀਤੀ ਜਾਣ ਵਾਲੀ ਇਹ ਐਚਵੀਏਸੀ ਬੱਸ ਸੇਵਾ ਇਸ ਰਸਤੇ ’ਤੇ ਸਫ਼ਰ ਕਰਨ ਵਾਲੇ ਲੋਕਾਂ ਲਈ ਲਾਹੇਵੰਦ ਸਾਬਤ ਹੋਵੇਗੀ।

