ਕੁਰੂਕਸ਼ੇਤਰ ’ਚ 5ਵੀਂ Innovative Farmers Meet ਦਾ ਸਮਾਪਨ, CM ਨਾਇਬ ਸੈਣੀ ਬੋਲੇ- ‘ਲਾਗਤ ਘੱਟ, ਮੁਨਾਫ਼ਾ ਵੱਧ ਹੋਵੇ, ਇਹੀ ਅਸਲ ਇਨੋਵੇਸ਼ਨ’
ਹਰਿਆਣਾ ਦੇ ਕੁਰੂਕਸ਼ੇਤਰ ਦੇ ਲਾਡਵਾ ਵਿੱਚ CII ਦੀ 5ਵੀਂ Innovative Farmers Meet ਦਾ ਸਮਾਪਨ ਹੋਇਆ। ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਨੇ ਖੇਤੀਬਾੜੀ ਮਸ਼ੀਨਰੀ ਦੀ ਪ੍ਰਦਰਸ਼ਨੀ ਦਾ ਉਦਘਾਟਨ ਅਤੇ ਦੌਰਾ ਕੀਤਾ ਅਤੇ ਪ੍ਰਗਤੀਸ਼ੀਲ ਕਿਸਾਨਾਂ ਨਾਲ ਗੱਲਬਾਤ ਕੀਤੀ। ਉਨ੍ਹਾਂ ਕਿਹਾ ਕਿ ਕਿਸਾਨ ਦੀ ਲਾਗਤ ਅਤੇ ਮਿਹਨਤ ਘਟਾਉਣ ਦੇ ਨਾਲ ਫ਼ਸਲ ਦਾ ਮੁਨਾਫ਼ਾ ਵਧਾਉਣ ਵਾਲੀ ਤਕਨਾਲੋਜੀ ਹੀ ਅਸਲ ਇਨੋਵੇਸ਼ਨ ਹੈ। ਮੁੱਖ ਮੰਤਰੀ ਨੇ ਪਾਣੀ ਤੇ ਮਿੱਟੀ ਦੀ ਸੰਭਾਲ, ਫ਼ਸਲੀ ਵਿਭਿੰਨਤਾ, ਕੁਦਰਤੀ ਖੇਤੀ ਅਤੇ ਮਸ਼ੀਨਰੀ ਦੀ ਸਾਂਝੀ ਵਰਤੋਂ ’ਤੇ ਜ਼ੋਰ ਦਿੱਤਾ।
