ਹਰਿਆਣਾ ਦੇ ਪੇਂਡੂ ਸਫ਼ਾਈ ਕਰਮਚਾਰੀਆਂ ਨੂੰ ਵੱਡੀ ਰਾਹਤ, 17 ਮੰਗਾਂ ’ਤੇ ਸਰਕਾਰ ਦੀ ਸਹਿਮਤੀ; 12 ਦੇ ਹੁਕਮ ਜਾਰੀ
ਹਰਿਆਣਾ ਦੇ ਵਿਕਾਸ ਅਤੇ ਪੰਚਾਇਤ ਮੰਤਰੀ ਕ੍ਰਿਸ਼ਨ ਲਾਲ ਪੰਵਾਰ ਨਾਲ ਮੀਟਿੰਗ ਵਿੱਚ ਪੇਂਡੂ ਸਫ਼ਾਈ ਕਰਮਚਾਰੀਆਂ ਦੀਆਂ 17 ਮੰਗਾਂ ’ਤੇ ਸਹਿਮਤੀ ਬਣੀ ਹੈ। ਕਰੀਬ 12 ਮੰਗਾਂ ਸਬੰਧੀ ਹੁਕਮ ਜਾਰੀ ਹੋ ਚੁੱਕੇ ਹਨ। ਕਰਮਚਾਰੀਆਂ ਨੂੰ ਬਕਾਇਆ ਮਾਣਭੱਤਾ, ਵਧਿਆ ਹੋਇਆ ਵਰਦੀ ਅਤੇ ਧੁਆਈ ਭੱਤਾ, ਬਾਹਰ ਡਿਊਟੀ ਲਈ 200 ਰੁਪਏ ਰੋਜ਼ਾਨਾ ਭੱਤਾ ਅਤੇ ਡਿਊਟੀ ਦੌਰਾਨ ਮੌਤ ਹੋਣ ’ਤੇ ਪਰਿਵਾਰ ਦੇ ਇੱਕ ਮੈਂਬਰ ਨੂੰ ਨੌਕਰੀ ਦੇਣ ਵਰਗੀਆਂ ਸਹੂਲਤਾਂ ਮਿਲਣਗੀਆਂ। ਇਸ ਦੇ ਨਾਲ ਹੀ 6230 ਗ੍ਰਾਮ ਪੰਚਾਇਤਾਂ ਲਈ 579 ਕਰੋੜ ਰੁਪਏ ਜਾਰੀ ਕੀਤੇ ਗਏ ਹਨ।