PSPCL ਮੁੱਖ ਦਫ਼ਤਰ ਵਿਖੇ ਡਾ. ਬਲਜਿੰਦਰ ਸਿੰਘ ਦੀ ਵਿਜ਼ਿਟ, ਜਨਤਕ ਜਵਾਬਦੇਹੀ ’ਤੇ ਮੰਗਿਆ ਲਿਖਤੀ ਜਵਾਬ

ਆਮ ਲੋਕਾਂ ਨਾਲ ਸਬੰਧਤ ਬਿਜਲੀ ਸੇਵਾਵਾਂ ਦੇ ਮੁੱਦਿਆਂ ਅਤੇ PSPCL ਦੀ ਜਨਤਕ ਜਵਾਬਦੇਹੀ ਨੂੰ ਲੈ ਕੇ ਵਿਸ਼ਵ ਮਾਨਵ ਅਧਿਕਾਰ ਰੱਖਿਆ ਕਮਿਸ਼ਨ ਦੇ ਨੈਸ਼ਨਲ ਵਾਈਸ ਪ੍ਰੈਸੀਡੈਂਟ ਡਾ. ਬਲਜਿੰਦਰ ਸਿੰਘ ਵੱਲੋਂ PSPCL ਹੈੱਡਕੁਆਰਟਰ, ਪਟਿਆਲਾ ਵਿਖੇ ਵਿਜ਼ਿਟ ਕੀਤੀ ਗਈ।

ਇਸ ਦੌਰਾਨ ਉਨ੍ਹਾਂ ਦੀ PSPCL ਅਧਿਕਾਰੀ ਅਮ੍ਰਿਤਪਾਲ ਸਿੰਘ ਨਾਲ ਮੁਲਾਕਾਤ ਹੋਈ। ਗੱਲਬਾਤ ਦੌਰਾਨ ਬਿਜਲੀ ਸੇਵਾਵਾਂ ਸਬੰਧੀ ਲੋਕਾਂ ਵੱਲੋਂ ਦਰਪੇਸ਼ ਸਮੱਸਿਆਵਾਂ, ਸ਼ਿਕਾਇਤਾਂ ਦੇ ਨਿਪਟਾਰੇ, ਅਧਿਕਾਰੀਆਂ ਦੀ ਜਵਾਬਦੇਹੀ ਅਤੇ ਜਨਤਾ ਨੂੰ ਮਿਲਣ ਵਾਲੀਆਂ ਸੇਵਾਵਾਂ ਬਾਰੇ ਵਿਚਾਰ-ਵਟਾਂਦਰਾ ਕੀਤਾ ਗਿਆ।

ਨਵੇਂ ਚੇਅਰਪਰਸਨ ਦੇ ਚਾਰਜ ਸੰਭਾਲਣ ਸਬੰਧੀ ਵੀ ਕੀਤੀ ਗੱਲਬਾਤ

ਡਾ. ਬਲਜਿੰਦਰ ਸਿੰਘ ਵੱਲੋਂ ਨਵੇਂ ਚੁਣੇ ਗਏ ਗੁਰਕੀਰਤ ਕਿਰਪਾਲ ਸਿੰਘ ਵੱਲੋਂ ਚਾਰਜ ਸੰਭਾਲਣ ਅਤੇ PSPCL ਦੀ ਅਕਾਊਂਟੇਬਿਲਿਟੀ ਸਬੰਧੀ ਵੀ ਜਾਣਕਾਰੀ ਮੰਗੀ ਗਈ।

ਅਧਿਕਾਰੀਆਂ ਵੱਲੋਂ ਦੱਸਿਆ ਗਿਆ ਕਿ ਨਵੇਂ ਚੇਅਰਪਰਸਨ ਵੱਲੋਂ ਅੱਜ ਹੀ ਅਹੁਦਾ ਸੰਭਾਲਿਆ ਗਿਆ ਹੈ। PSPCL ਦੇ ਪੂਰੇ ਸਿਸਟਮ ਅਤੇ ਕੰਮਕਾਜ ਨੂੰ ਸਮਝਣ ਲਈ ਲਗਭਗ ਇੱਕ ਹਫ਼ਤੇ ਦਾ ਸਮਾਂ ਲੋੜੀਂਦਾ ਹੋ ਸਕਦਾ ਹੈ।

ਲਿਖਤੀ ਰਿਪਰਜ਼ੈਂਟੇਸ਼ਨ ਤੋਂ ਬਾਅਦ ਜਵਾਬ ਦਾ ਭਰੋਸਾ

ਇਸ ਤੋਂ ਬਾਅਦ ਡਾ. ਬਲਜਿੰਦਰ ਸਿੰਘ ਤੋਂ ਇਸ ਸਬੰਧੀ ਲਿਖਤੀ ਰਿਪਰਜ਼ੈਂਟੇਸ਼ਨ ਦੇਣ ਲਈ ਕਿਹਾ ਗਿਆ। ਉਨ੍ਹਾਂ ਵੱਲੋਂ ਰਿਪਰਜ਼ੈਂਟੇਸ਼ਨ ਦੇਣ ’ਤੇ PSPCL ਵੱਲੋਂ ਮਾਮਲੇ ਸਬੰਧੀ ਲਿਖਤੀ ਜਵਾਬ ਦੇਣ ਦਾ ਭਰੋਸਾ ਦਿੱਤਾ ਗਿਆ।

ਡਾ. ਬਲਜਿੰਦਰ ਸਿੰਘ ਨੇ ਕਿਹਾ ਕਿ ਉਨ੍ਹਾਂ ਦਾ ਮਕਸਦ ਪੰਜਾਬ ਦੇ ਆਮ ਲੋਕਾਂ ਲਈ ਬਿਜਲੀ ਸੇਵਾਵਾਂ ਵਿੱਚ ਪਾਰਦਰਸ਼ਤਾ, ਸ਼ਿਕਾਇਤਾਂ ਦਾ ਸਮੇਂ ਸਿਰ ਨਿਪਟਾਰਾ ਅਤੇ ਜਵਾਬਦੇਹੀ ਯਕੀਨੀ ਬਣਾਉਣਾ ਹੈ। ਉਨ੍ਹਾਂ ਕਿਹਾ ਕਿ ਲੋਕਾਂ ਨਾਲ ਜੁੜੇ ਬਿਜਲੀ ਸੇਵਾਵਾਂ ਦੇ ਮਸਲਿਆਂ ਨੂੰ ਪ੍ਰਭਾਵਸ਼ਾਲੀ ਢੰਗ ਨਾਲ ਉਠਾਉਣਾ ਅਤੇ ਉਨ੍ਹਾਂ ਦੇ ਹੱਲ ਲਈ ਜਵਾਬਦੇਹੀ ਯਕੀਨੀ ਕਰਨਾ ਜ਼ਰੂਰੀ ਹੈ।